Literary Works

-FROM BABAYENG PILIPINHON

Ang imong mga mata nagbanosbanos pagdula

ang sidlak sa pahiyom ug yamog sa luha

sa imong dughan mingtuybo ang kaluhang moto

nga nindut pagkalalik ni bathala diin ginatago

usa ka kalibutan sa himaya

ug didto sa mahagiton nila nga pungay nalilong

sa batinit ang dagaynon kong hunahuna

ug nahidalinhog sa mga damgong makasasala

*****

-FROM INDAY NGA BAGOHANON

May lawas siyang lison,

tigsum ug ambongan

ug ang ritmu sa iyang mga kurba

maoy nagsunog sa mga batan-ong damgo

ug nagpadilaab sa damandaman sa paraiso

-FROM MAHAY SA LINUIBAN

Mamalik kaha pagkatkat sa kuta

ang mga bagon sa hasmin

tungod sa imong bintana ug sa gabiing gilunopan

sa mga damgo sa bulan mousab pa ang mga bulak

pagbukas sa ilang dughan apan kadtong naghilak

uban sa luha nga yamog tungod sa pagluib mo

sa gugmang sinumpaan kadto sila di na mamalik

hangtud sa kahangturan..

-FROM MGA BULOK SA KATAHOM

Nakita kong naglubadlubad sa iyang nawong

ang bangaw sa usa ka libong bulok

malamaton sa iyang agtang

nag-ilis pagpakita ang kisdong

sa kasakit ug ang yuhom sa himaya

-FROM APING NGA MANGGAHON

May lawas kang lison ug nindot ang kurbang nagbaodbaod daw

sa hulmahan ni venus linalik nga matuod

may nawong guwapa nga giumol sa manulunda

ug may pilok nga bawod daw lubay sa banaog

matang may kilay nga masunogon luming daw bitoon

may aping nga manggahan ug mahamis binulakan

sa makaibog nga oyok sa kandiis ug may baba nga rubihanon

ug kanindot nagsaad makalipong nga halok

alang sa bayaning hinandum ug pinaabot

-FROM KATAHUM UG HIYAS SA BABAYENG PILIPINHON

Apan bisan maako ang usa ka suok lamang

diin ikaw tua akong gugma ug kauban pagkamalipayon ko

ug pagkabulahan ang kalipay ko way pagkatiti

ang himaya ko way katapusan

-FROM HINULMA SA BATHALA SA MGA HALOK

Panumduman mo nagbaha sa kaalam

nagdilaab sa mga mithi

kasingkasing mo namulak sa luming ug tam-is nga pagbati

oh! makabibihag ang imong batasan

makawiwili ang imong gawi

misalo ka sa among kalipay

ug miambit sa among kasakit

sa babangeng subanganon

ikaw gayod ang wagas nga hingpit.

-FROM DAMANDAMAN SA BAYBAYON

Nakita ko siya sa iyang sapot nipis nga soda

nga sa hinangop sa makusog nga hangin

napilit sa lawas hiya

ug nahulma ang linalik niyang mga kurba

ug sama kang venus

makabibihag gayod ang kaanindut niya

-FROM BATAN-ONG PILIPINHON

Apan wala mo usab hikalimti ang paningkamot

aron sa kinaadman ug dungog pagkab-ot

nga ang nasudnong bantug garbo ug himaya

mokayab kanunay uban sa atong bandila